skip to content

Aktuelle Nachrichten

Einfach traumhaft geknipst! (31.05.2017)


Im Mehrzweckbackhaus heiraten (06.12.2016)

Wir freuen uns, Ihnen das Mehrzweckbackhaus der Trachtengruppe Lindhorst e.V. als "Standesamt" für einen besonderen Tag in Ihrem Leben anbieten zu können.

weiterlesen



Texte der plattdeutschen Lieder

 

Wiehnachten
Kiek eis, wat is dei Himmel sau rot.
Dat sin dei Engel, dei backen dat Brot.
Dei backen fer den Wiehnachtsmann en Stuten,
Fer alle lütschen Leckerschnuten.  

Wiehnachtsmann kiek mi an,
lütschen Drümel sin ek man.
Been un arboarn kann ek nich,
Wiehnachtsmann vergitt mi nich.

 

 

Hänschen satt in Schoßstein
 Hänschen satt in Schoßstein
 un flicke sine Schauh, un flicke sine Schauh.
 Da kamm saun wackert Maike an
 un kiek ühn niepe tau,
 da kamm saun wackert Maike an
 un kiek ühn niepe tau.

 Maike, wenn du frien wutt,
dann frie du doch mi, dann frie du doch mi.
 Eck hewwe saun blanken Taler da,
 den will eck gieben di,
 eck hewwe saun blanken Taler da,
 den will eck gieben di.

 Hans nimm se nich, Hans nimm se nich,
  sei hatt en schlimmen Faut.
  Schmer Salben rupp, schmer Salben rupp,
  dann wert de Faut wir gaut.

 

 

Lütschet Buermaike van Dörpe
    Lütschet Buermaike van Dörpe
   watt bist du sau glatt.
   Du wutt wohl ner Kerken
   oder wutt du ner Stadt.

   Eck well nich ner Kerken,
   eck well nich ner Stadt.
   Eck well ner mien Brüergamm,
   darümme sin eck sau glatt.


Pastur sien Kauh
Kennt ji all dat nie Lied, nie Lied, nie Lied,
wat se im ganzen Dörp vertellt,
von Herrn Pastur sien Kauh.

Refrain: Sing man tau, sing man tau.
                von Herrn Pastur sien Kauh jau jau,
                sing man tau, sing man tau von Herrn Pastur sien Kauh.

Gistern was sei dick und drall, dick und drall, dick und drall,
vandage lag sei dot im Stall, jo Herrn Pastur sien Kauh.
Refrain
Dor hett sei se in Stücke schnien, Stücke schnien, Stücke schnien,
hatt dat ganze Dörp wat kriegen, von Herrn Pastur sien Kauh.
Refrain
Und de Köster Dömelang, Dömelang, Dömelang,
kricht vom Steart en Glockenstrang, von Herrn Pastur sien Kauh.
Refrain
Und de ole Engel Schmies, Engel Schmies, Engel Schmies,
kricht en niet Tangebiss von Herrn Pastur sien Kauh.
Refrain
Und de ole Feuerwihr, Feuerwihr, Feuerwihr,
kricht en Fatt vull Wagenschmier, von Herrn Pastur sien Kauh.
Refrain
Und de Lindhoster Blaskapellen, Blaskapellen, Blaskapellen,
kricht en niet Trummelfell, von Herrn Pastur sien Kauh.
Refrain
Und nu kumt dat allerbest, allerbest, allerbest,
de Kauh dat is en Osse west, jo Herrn Pastur sien Kauh.


Danz, danz Engeling
Danz, danz Engeling,
sau schenk eck die en Ei.
Nai, seggt dat leiwste Engeling,
eck danz doch nich fer twei.

Danz, danz Engeling,
sau schenk eck die en Hauhn.
Nai, seggt dat leiwste Engeling,
watt schall eck dormie daun.

Danz, danz Engeling,
sau schenk eck die ne Kauh
Nai, seggt dat leiwste Engeling,
lat mie dormie in Rauh.

Danz, danz Engeling,
sau schenk eck die en Kalf.
Nai, seggt dat leiwste Engeling,
dai Sache is man half.

Danz, danz Engeling,
sau schenk eck die en Schwien.
Nai, seggt dat leiwste Engeling,
dat lat man leiwer sien.

Danz, danz Engeling,
sau schenk eck die en Perd.
Nai, seggt dat leiwste Engeling,
en Perd is mie nix wert.

Danz, danz Engeling,
sau schenk eck die en Hus.
Nai, seggt dat leiwste Engeling,
eck merk mie nix dorut.
    
Danz, danz Engeling,
sau schenk eck die en Mann.
Ja, roppt dat leiwste Engeling,
denn danz eck wat eck kann.


Melklied
Stripp, strapp, strull
is dei Ammer bolle vull?
Kauh, du most stille stahn,
süs mott eck ner ne annern gahn,
dann werd dei Ammer vull.
Stripp, strapp, strull.


Pingsten
Wenn Pingsten is, wenn Pingsten is,
dann schlacht use Voer en Bock.
Dann danzet use Meume,
dann danzet use Meume,
dann flücht de rue Rock.


Marten, Marten gauer Mann
Marten, Marten gauer Mann,
de et woll wat dauen kann.
De Appel un de Bierne,
de Nürte un de Kierne,
mach ek doch sau gierne.
Lat üsch nich so lange stahn,
wie mürt noch nah Köln gahn,
Köln is ne grote Stadt,
da kriegen alle Kinner watt.
Sämeling, Rosenblatt,
schöne Jungfrue giw üsch watt.


De Bummelschotschen
Mudder Witsch, Mudder Witsch,
kiek mi mol an,
wie eck den Bummelschotschen tanzen kann.
Einmal up den Hacken, einmal up den Teen,
oh Mudder Witsch, wie goaht dat Tanzen schön.    


De lustigen Waschwiever
Wieset her jue Feute, wieset her jue Schauh
Un kieket den lustigen Waschwievern tau.
Se waschet un waschet, se waschet den janzen Dag,
se waschet un waschet, se waschet den janzen Dag.

Wieset her jue Feute, wieset her jue Schauh
Un kieket den lustigen Waschwievern tau.
Se wringen un wringen, se wringen dat Water rut,
se wringen un wringen, se wringen dat Water rut.

Wieset her jue Feute, wieset her jue Schauh
Un kieket den lustigen Waschwievern tau.
Se hängen un hängen, se hängen de Wäsche up,
se hängen un hängen, se hängen de Wäsche up.

Wieset her jue Feute, wieset her jue Schauh
Un kieket den lustigen Waschwievern tau.
Se plätten un plätten, se plätten de Wäsche glatt,
se plätten un plätten, se plätten de Wäsche glatt.

Wieset her jue Feute, wieset her jue Schauh
Un kieket den lustigen Waschwievern tau.
Nu kühnt se schlerpen un schlerpen de ganze Nacht,
nu kühnt se schlerpen un schlerpen de ganze Nacht.